Die nuwe treffer is nou beskikbaar.





Die opkomende album sluit 19 van die rocker
se grootste treffers in!










Die nuwe album, Sirkus Applous Encore,
word gevier met 'n prettige video vir die
treffer se "Album Version".









Egmond se volgende enkelsnit is tans in produksie.
Hou die spasie dop!




Afrikaanse pop sensasie en koeksister rocker Egmond is reeds sedert 2003 op die musiek toneel met musiek video treffers en #1 liedjies wat opspraak maak en aandag trek regoor die wêreld. Kyk maar na die verskeie vermaaklikheids webtuistes se voorblaaie wat hy reeds gehaal het die afgelope twee dekades, nasionale televisie wat sy videos speel en radio stasies waar hy luisteraars vermaak. Met digitale verkope oor die miljoen eenhede is daar iets uniek aan die veelsydige liedjie skrywer en sanger. Hy skryf sy eerste liedjie op 17 maar neem dit eers op ses jaar later. In 2004 trek Mors, sy tweede Afrikaanse opname, aandag op Radios Pretoria en Laeveld. Sy debuut album Ongevraagde “Hello” volg in 2008, en lewer As Jy Wil as sy eerste #1 treffer op in 2009. Sy deurbraak kom egter in 2010 op ASTV (nou MYtv) met die Gee Voor Jy Groet musiek video. ‘n Opgedateerde weergawe van Ongevraagde “Hello” in 2011 lewer die treffer Dis Elektries (ft Yolandi) op wat 8 weke lank #1 kraai op Uitsaaines en 22 weke in die top 10 spandeer.

Vlieg is die opvolg duet met Yolandi wat laat 2011 en vroeg 2012 op verskeie radio stasies ‘n tuitse vind. Next Music teken Egmond as kunstenaar in 2013 en reik sy katalogus op digitale platforms uit, insluitende iTunes, Amazon en Spotify. Kom Red My premiere op Channel24.co.za in September met ‘n verrassende 11 000 kykers op You Tube. 2018 lewer die nommer 1 treffers Melkweg Reënboog en Better Days (ft Algorrid3m) op en laasgenoemde se musiek video raap 10 000 kykergetalle op You Tube. Die top 10 treffer Koebaai vanaf Sirkus Applous se musiek video word opgeneem in Pomene, Mosambiek. Die video sorg vir Egmond se terugkeer op MYtv en lok boonop 20 duisend kykers op YouTube. Die jaar eindig op ‘n hoogtepunt met Kom Red My wat op die KykNet program, die Van Coke Show, gespeel word.

Ongevraagde “Hello” (2011 weergawe) se 10de herdenking word gevier as Ongevraagde "Hello" 2.0, met nuwe weergawes van Dis Elektries (ft Yolandi) en Hello (voorheen Gister). Laasgenoemde se musiek video lok bykans 6000 kykers op YouTube in die eerste maand na sy vrystelling in 2022. Encore (Op Die Radio) is die kunstenaar se nuutste enkelsnit wat deel vorm van die treffer album Sirkus Applous Encore.

Egmond is 'n ThunderCats, She-Ra, Lord of the Rings, Harry Potter en Roxette aanhanger, het 'n trilogie geskryf getiteld The Stone Heroes, hou van flieks, tv reekse en sy ouma se koeksisters. Next Music distrubeer Egmond se musiek op iTunes en vele ander platforms. Vir meer besonderhede, kontak musiek@egmond.co.za.